Takengon-detikperistiwa.co.id
Ari langit nge metuh
Ari bumipe nge tangkuh
Gaeh ni rejeki gere beteduh
Ike mera sunguh pasti mendepet
Si bepari gere mupepinah
Si betuni gere teridah
Nge mepat simunerime amanah
Turah kin nemah ike pane munuet
Bejelgit ike si atas
Bekuruk situnung tapas
Rejeki ni mata bierpe mubatas
Turah telas sawah ku hakiket
Kul kucak e nge mepat
Naru konot pe nge meh tepat
Dele tikik e gere nguk jengkat
Jeroh i amat si ringen beret
Ara ari ulung si turah i getek
Ara ari uwah si turah i peltek
Gigih betamah kati osop hek
Gerene cebebek si bejingket
Si besirem gere sesop
Si bejemur gere ne osop
Kekire enti ara jekop
Langak lungkep mera kase pipet
Betengkam ike si luah
Beperala si jangak juah
Temetap gere mupepinah
Mupaedah si hemat jimet
Ara gere e mutetah tentu
Ketier usaha oya si perlu
Sepeden kiding urum pumu
Akal turah naru kekire enti singket
Seber urum ikhlas oya si penting
Do’a ku Tuhen enti sampe taring
Asa denie muputer jening
Ringkel keliling rejeki mulibet
Takengen, 20 Januari 2024.
